ل ڕێکەفتی ١١ی تشرینا ئێکێ ٢٠٢٦، ب هەلکەفتا سێ ساڵیا ڤەکرنا تایێ قوتابییان یێ پەیمانگەها کۆنکریت یا ئەمریکی (ACI Student Chapter) ل کۆلیژا ئەندازیاری ل زانکۆیا زاخۆ، چالاکیەکا ئەکادیمی یا تایبەت هاتە سازکرن.
ئەڤ چالاکیە ب ئامادەبوونا بەرێزان (پ.د. محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی و (پ.هـ.د. جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند، هەروەسا ب سەرپەرشتیا (پ.هـ.د.. فرست حیتو عبدالرحمن)، ڕاگرێ کۆلیژا ئەندازیاری، و ب چاڤدێری و ئامادەبوونا (د. سیڤەر دلخاز صلاح الدین) ڕاهێنەر و ئەدڤایزەرێ تایێ قوتابییان، ب ئەنجامدانا سمینارەکێ هاتە بڕێڤەبرن.
تەوەرێن سەرەکی یێن سمینارێ:
• هەماهەنگی و گرێدانا ACI دگەل کۆمەڵەیا کۆنکریت یا کوردستانێ (KCS): بەحس ل گرنگیا ڤێ هەماهەنگیێ هاتە کرن ژ بۆ بلندکرنا ئاستێ کوالیتیا کۆنکریتی ل پرۆژەیێن ئاڤەدانکرنێ و چێکرنا ئاڤاهییان، ل دویڤ پیڤەر و ڕێنمایێن جیهانی یێن (ACI Code).
• بکارئینانا تەکنۆلۆژیا سەردەم: ڤیدیۆیێن نیشاندانا ڕێکارێن سەردەمیانە هاتنە پەخشکرن، ئێکبوونا سیستەمێ (QR Code / بارکۆد) هاتە شرۆڤەکرن ژ بۆ هاریکاریا تۆمارکرنا قوتابییان ل ناڤ تەشکیلاتێن ACI Student Chapter و KCS.
ئارمانجا سەرەکی:
ئارمانج ژ ڤان بزاڤان، پێشئێخستنا شیانێن زانستی و پراکتیکی یێن قوتابییانە، دا کو ل پاشەڕۆژێ ب کەسایەتیەکا زانستی و ئەندازیاری یا بەهێزتر بچنە دناڤ بازارێ کاری و بشێن ب ئاستەکێ بلند سەرپەرشتیا پرۆژەیێن ئەندازیاری و ئاڤەدانکرنێ ل هەرێمێ بکەن.